القرصان بالدجاج

**المقادير**
قرصان (الكمية ع حسب الرغبة)
حبة دجاج
وممكن يستبدل باللحم لانه الذ وأطيب
بصلة متوسطة
خضار مشكلة
فلفل رومي
حبات طماطم
اعواد قرفة
ورق غار
فصين ثوم
قرن فلفل حار حسب الرغبة
فنجال زيت زيتون
ملعقة كبيرة ملح
ملعقة كبيرة بهارات
الماء من كوبين الى ثلاثة ونزيد ع حسب الحاجة حتى لاتجف القرصان

**الطريقة**

حطي  الزيت

وحمري البصل والفلفل الرومي

ثم حطي الدجاج والبهارات واعواد القرفة وورق الغار والثوم ثم ضيفي الطماط وحطي عليه الملح لان الملح يساعد علئ ذوبان الطماطم ثم ضيفي كوبين مويه ونضع الخضار وان احتجنا الى زيادة مويه زدنا بس لازم

تكون الكشنه ثقيله زي راعيتها
لان القرصان راح تتشرب الماء وحنا مانبغاها تجف يعني بالمختصر علئ حسب اذا  القرصان كثيره كثري مويه والعكس  يعني خليك ذيبه ذيبه لاتخلينك نعجه
ثم بعدين نضغطها مدة 5 دقايق او7 علئ نار متوسطة ثم نطفي عنه تعالي تعالي فرحانه  تحسبين الدعوه خلصت لا حرام وترجعين تكملين طبختك وانتي مره
ثم ضيفي لها القرصان طبعا نقوم بتكسيرها وأضافتها للمرق ونتركها تتجانس مع المرق بدون ضغط لمدة 5دقايق وخلال هذي الفترة نقوم بتجهيز ما تزين به قرصانك  وهي بصلة متوسطه مقطعه مكعبات صغار جدا وكل ماكثر البصل زانت النكهه
ثم نقوم بقلي البصل في كوب زيت مضاف له ملعقتين كبيره من اليمون الاسود المطحون وملعقة صغيرة من القرفة المطحونه ثم نشيل البصل المحمر ونضعه ع القرصان ونحركة وبهذا نكون خلصنا من طبختنا
 ونسمي بالله وبالعافية
وهيا اما الحين الوجه من الوجه ابيض وهيا انقلعي عني

امزح امزح لا تروحون بعيد حراااام إني بكره قاعده لكم مالكم فكه مني