طبعا عشان نعمل السلته لازم نطبخ ادام بطاط (طبيخ) ومرقه دجاج اولحم الحاصل معاك

سلته ب اللحم او الدجاج

اولا :ناخذ ملعقه من الحلبه المطحونه ونحطها بزبديه فيها ماء لازم تقطبها من بدري عشان تجلس منقوعه تمام..

الطبيخ

المقادير:
بصل
 مفروم
ثوم مفروم
طماطم مكعبات
ملعقتين صلصه
بطاطس مكعبات
فلفل رومي اخضر مكعبات
فلفل اسود
وكمون
وكزبره ناشفه
وملح

الطريقه:

نحط البصل في قدر لما  يصفر و نطرح الثومه.

لما يتغير لونه ذهبي و نحط الطماطم والفلفل رومي..

بعدها لمن تيبي الطماطم نحط البطاط والبهارات ونحركهم جيدا

لمن تشوف الدبيخ نشف والبطاط اتنكه بكهه الخلطه.
نسكب الماء الحامي
نغمره ونغطي عليه ليا ينضج بس كل شوي نقلبه ونزيد شويه ماء اذا نشف

نرجع للحلبه

نسكب منها المآء ونخلطها بالخلاط المضرب ونخلطها لين تتكاثف ويصير لونها ابيض..كما في الطبخه السابقه طبخه السلته ب البيض


الخلطه الخضراء او الزحاوق الخضرآءفلفل اخض حار
فص ثوم
ملح
كزبره خضراء
كراث
ونخلطهم تمام ونظيف شويه ماء


ونسكب الزحاوق الخضراء على الحلبه كما شرحنا في اكله السلته ب البيض
وكذا تكون جهزت الحلبه

نجي للمرقه..
المقادير:
دجاجه مقطعه
بصل اخضر
بصل عادي
بهارات وكركم الاصفر
هيل
وماء حمي

اولا..نحط الجاج على النار..


ونقلبهم شويه..ونحط البصل عليه..والهيل والقرفه..نحشوش

وبعدا نطرح البهارات والملح,ونقبلهم لما الدجاج يتبهر..

ونغمر الدجاج بالماء ونغطي عليه لين ينضج واذا قل الماء نضيفها شويه

المرق جاهز

ونرجع للطبق  الاساسي السلته..

نجيب المغش او المدره ..
ونحط البصل المفروم
وبعدها فلفل اخضر
 وفلفل رومي
 وقلبهم لما يضمر
 نكسر بيضه

ونحط الطبيخ ونهرس البطاط شوي بالملعقه

ونسكب المرق واخيرا نسكب الحلبه عليه .

يا طعماااه