طبق اليوم هو قالب الكيك الشهل و السريع في نفس الوقت
بسم الله توكلنا على الله

المقادير
خليط كيك جاهز اي كيك مثل (العلالي،بيت كروكر )
ثلاث بيضات
ثلث كوب زيت
كوب ماء

هيا فتحي عيونك ومسمعك زين فديت المسامع إللي تقول مسامع إللي أنتي خابره هههههههههههه مزوح ياقمر مزوح

أولا:  نسخن الفرن الي درجة حرارة350
ادهني الصينية بالزبدة او الزيت مثل لادهنتي وجهك بالفازلين لوشن الطيبين ههههههههه

ثم اخلطيه في وعاء عميق ع سرعة بطيئة محتويات باكيت خليط الكيك  مع ثلاث بيضات وكوب ماء وثلث كوب زيت
اخفقي لمدة دقيقتين ع سرعة متوسطة

ثم حطي ثلاث ارباع المزيج في الصينية
بعدين انتبهي تكبكبيه كله تري اعرفك يالشقرديه احيانا تصيرين مطفوقه تقول وراك الطرد

ثم رشي خليط الكاكاو على الكمية المتبقية ثم اخلطية زين يالذيبه ثم ضيفي الخليط المتبقي الى الصينية

ثم اقطعي الخليط بالسكين ليعطي الشكل الرخامي

وسدحيه في الفرن حمام ساونا هههههههه لمدة35الى40دقيقة
وبعدها اخرجيه من الفرن وتأكدي من استوائة بغمس سكين عشان تعرفي اذا استوى والا بعد… .
وانتبهي تتهورين انفداك وتروحين تشرخين في كيكتك وتصير شذر مذر وعاد تعالي دوري لك كيكه  تصورينها وتشوفين حالك فيها حرام لتقعدين بها


واضبطي القهوة العربية مه الكيك عصرية وإلا مغربية مع العيال وأبوهم تسوى الدنيا وما فيها .. الله لا يفرقكم ..


حبايبي أنتم
الصورة النهائية